Toshkent xalqaro aeroporti

“Islom Karimov nomidagi Toshkent xalqaro aeroporti” Markaziy Osiyodagi eng yirik aeroportlardan biri hisoblanadi. Mazkur aeroport orqali MDH mamlakatlaridan Yevropa, Amerika va Janubi-Sharqiy Osiyoga ko‘plab havo yo‘llari o‘tadi, dunyoning asosiy yirik shaharlariga, shu jumladan Moskva, Sankt-Peterburg, Frankfurt, Nyu-York va boshqalarga parvozlar amalga oshiriladi.

Aerodrom tarkibiga ikkita parallel uchish-qo‘nish – UQY- 1 va UQY-2 yo‘laklari (ICAOning ikkinchi toifasi); asosiy boshqarish yo‘laklari; perron; umumiy maydoni 150 gektar bo‘lgan, 99 ta turargohga (shundan 10 tasi uzoq va o‘rta masofaga uchuvchi samolyotlar uchun) ega  bo‘lgan sun’iy qoplamali maydon kiradi.

Aerovokzal majmuasining texnik jihozlanganligi va joriy etilgan yo‘lovchilarni ro‘yxatdan o‘tkazish avtomatlashtirilgan tizimi (CUTE) yo‘lovchilarga tez, sifatli va qulay xizmat ko‘rsatishga imkon yaratadi. O‘zbekiston Respublikasida o‘z  parvozlarini amalga oshirayotgan yo‘lovchilarni jo‘natish va qabul qilish Toshkent-3 terminali orqali amalga oshiriladi.

Respublikamizga uchib kelayotgan O‘zbekiston aholisi va mehmonlari uchun xizmat Uchib kelish terminali orqali kutib olinadi. Uzoq va yaqin xorij mamlakatlariga uchib ketayotgan yo‘lovchilar Toshkent - 2 terminali orqali kuzatiladi. Qo‘nish galereyalari 4 teleskopik trap bilan jihozlangan.

Umumiy  hajmi soatiga 500 yo‘lovchiga xizmat ko‘rastish imkonini beruvchi yo‘lovchi terminalida uchib ketayotgan va uchib kelayotgan yo‘lovchilarga quyidagi qulayliklar yaratilgan:

 - Axborot ustunlari

 - Ona va bola xonalari

 - Yuqori qulaylikka ega zallar (VIP, CIP va Business Lounge)

 - Valyuta ayirboshlash shoxobchalari

 -WI-FI xizmatlari

 - Savdo shoxobchalari (DUTY FREE, do‘konlar).

 - Ovqatlanish shoxobchalari

 - LOST&FOUND

 - Bagajni qadoqlash xizmati

 - Tibbiy yordam

 - Bankomatlar

 - Taksilar xizmatlari

- Aviatashuvlarni sotish ofislari

 - Aviakompaniyalar vakolatxonalari ofislari

 - Mobil qurilmalarni quvvatlantirish xizmatlari.

 

Yuk majmuasi

Yuk majmuasi zamonaviy texnik vositalar, avtoulovlar uchun kirish joylariga ega bo‘lgan ochiq omborlar va yopiq ombor inshootlari bilan jihozlangan. Shuningdek, omborda yuklarni o‘lchash, markalash va saralash, konteyner va poddonlarga yig‘ish, dori-darmon va tez buziladigan tovarlarni muzlatgich kameralarida saqlash, bojxona omborida vaqtincha saqlash, alohida xavfli yuklarni alohida jihozlangan angarda saqlash, samolyotga/dan yuklash, tushirish va tashish hamda havo kemasining yuklanishini nazorat qilish amalga oshiriladi.

Yuk xavfsizligini ta’minlash:

 - vizual va qo‘lda tekshirish

 - rentgen uskunalari yordamida tekshirish

 - portlovchi moddalarni aniqlash tizimi yordamida tekshirish

 - portlovchi moddalarni aniqlash bo‘yicha tezkor va texnik guruh

 - yuklarga kirishni oldini olish uchun videokuzatuv

 Yoqilg‘i-quyish majmuasi

Aeroportning yoqilg‘i quyish majmuasi aviatsiya yoqilg‘i-moylash materiallarini qabul qilish, yetkazib berish, saqlash va laboratoriya tahlilini amalga oshiradi. YMM omboriga aviatsiya yoqilg‘isi kelib tushgan paytdan boshlab, to samolyotlarga yonilg‘i quyishgacha bo‘lgan YMMning sifatini aerodrom va laboratoriya orqali nazorat qilishni tashkil etishning amaldagi texnologiyasi barcha tipdagi samolyotlarga shartli yonilg‘i quyishni ta’minlashga  imkon berad va yuqori darajadagi parvozlar xavfsizligi kafolati sifatida xizmat qiladi.

Manzil: Toshkent - 100167, Sergeli tumani Qumariq ko‘chasi, 13

Tel /faks: (998-78) 140-28-77

e-mail: tashairkanc@uzbairports.uz

Ma’lumot uchun telefon:

 (998 78) ) 140-28-01

 (998 78) 140-28-02

 (998 78) 140-28-03

 (998 78) 140-28-04